حوار جامد جدا مع حسن مصطفى

استعرض الموضوع السابق استعرض الموضوع التالي اذهب الى الأسفل

لللللبف حوار جامد جدا مع حسن مصطفى

مُساهمة من طرف عاشق حسن مصطفى في الثلاثاء مارس 18, 2008 2:12 am

حسن مصطفى حسن عبد الرحمن
اسم الشهرة حسن مصطفى
المركز وسط ملعب
الجنسية مصرى
تاريخ الميلاد 20/11/1979
محل الميلاد الجيزة







طبعأ بنرحب أولاً بالكابتن حسن على موافقته على إجراء حوار معنا فى منتديات فى الملعب وان شاء الله بنوجهلك أسئلة مقدمة من الأعضاء لمعرفة وجهة نظرك فى كثير من المواضيع الراهنه اللى بتشغل الجميع



أهلاً بيكم وعلى الرحب والسعه وربنا يستر



كان أول سؤال موجه للكابتن حسن مصطفى هو كيف ترى منتخب مصر في الوقت الحالي وماهو الفرق بين حسن شحاته ومحمود الجوهري؟


منتخب مصر فى الوقت الحالى منتخب قوى جداً والدليل على كده البطولتين المتتاليتين اللى حققناهم عن جدارة والكل شاف مبارايتنا سواء مع الكاميرون مرتين وكوت ديفوار اللى بيعتبر من أقوى المنتخبات على الساحه العالميه وكنا بنفوز بنتائج كبيره
وطبعاً ماقدرش أقول الفرق بين الكابتن حسن شحاته والكابتن محمود الجوهرى اللى أقدر أقوله ان المنتخب كويس جداً وفى أفضل مستوى وزى ماقولتلك واخدين بطولتين وبينهم البطولة العربيه وكل مدرب ليه أسلوبه اللى بينجح بيه والأتنين كبار وهما اللى حققوا الإنجازات لمصر .




ماهو الاختلاف بين اللاعب السعودي واللاعب المصري وايهما افضل من وجهة نظره؟
و كيف ترى المقارنه بين اللاعب العربي واللاعب الاجنبي وكيف نرفع مستوى اللاعب العربي حتى يتفوق عليهم؟
و ماذا تقول للاعب الوحداوي بصفة خاصة والسعودي بصفة عامة؟



اللاعب المصرى واللاعب السعودى متشابهان لدرجة كبيره جداً بس الفرق بالنسبة لى أن النادى الأهلى نادى بطولات بل ان كل مباراة بطولة فحد ذاتها فالحماس أعلى شويه
وبالنسبة لنادى الوحده نادى كويس جداً وفيه خمس لاعبين فى المنتخب وممكن يزيدوا
والفرق بين اللاعب العربى والأجنبى هو الإلتزام فى كل شىْ سواء المواعيد أو الإلتزام فى التدريبات أو فى الملعب غير الثقافه الكرويه العاليه عندهم وعارفين يفرقوا بين وقت الجد ووقت الهزار وده متوفر فى أوروبا وقليل جداً من اللاعبين المحترفين فى الدول العربيه وحتى نتفوق عليهم أهم شىْ موضوع الإلتزام فى كل حاجه وان الكوره هى العمل الأساسى للاعب وعليه تترتب باقى الأشياء وده نفس الكلام للاعب الوحداوى والسعودى طبعاً .








من تعاقد معك وكيف وجدت الدوري السعودي بدون مجاملة؟


اللى كلم إدارة الوحدة عنى هو ا/ حاتم الخيامى من مجلس الإدارة واللى أتمم التعاقد معى بعد المفاوضات مع وكيل أعمالى هو ا / طلعت التونسى



مين هم اصحابك في نادى الوحده ؟


والله كل اللاعبين أصحابى ومحترمين جدا ومفيش فرق وانت شوفت بنفسك سواء فى التمرين أو خارج التمرين العلاقة ممتازه جدا مع الجميع .



من الذي كان له دور كبير في نجاحك ..؟؟


طبعاً فضل ربنا عليه ودعاء الوالدين ووقوفهم جمبى فى جميع مراحل اللعب من الناشئين حتى الأن وبعد كده الإجتهاد والإلتزام بالدور اللى مطلوب منى .



هل حققت طموحاتك كلاعب فى الدورى السعودى؟


والله مالحقتش أعمل اللى كان فى طموحى لأان انت عارف برده بعدت عن الفرقة شهر بسبب البطولة الأفريقيه والإصابة بعدتنى ماتشين ده غير ان الفرقة كان ناقصها لعيبة كتيره بسبب الإصابه بس الحمد لله الجمهور راضي عن أدائى فى الفتره اللى لعبتها ولو ربنا أراد انى أكمل أكيد هيبقى فيه أحسن .



هل وجدت مضايقتك من المحسبوين مثل حاتم وخوقير؟


بصراحة الناس كلها هنا محترمة جداً وأنا كل إهتمامى منصب على اللعب وخدمة نادى الوحده اللى قدرنى ولازم أأعطى بأقصى مجهود عندى انما موضوع الادارة ده أنا بعيد عنه تماماً


ألف مليون مبروك عليكم بكأس الأمم الإفريقية.. وعقبال كأس العالم !! قولوا يارب.
سؤالي للكابتن / هل في نيتكم الإستمرار معنا في الفريق بعد إنتهاء فترة التعاقد معكم في حالة طلب إدارة النادي التجديد ؟
وبدون مجاملات كيف وجدتم " فرسان مكة " ؟ وهل تخيب رجاؤنا بالبقاء موسم آخر معنا ؟



الله يبارك فيك ونقول يارب التاهل لكأس العالم لأنه مايصحش نبقى أبطال أفريقيا مرتين وما نصعدش
والله انا ما عندى مشكله أنى أكمل فى نادى الوحده لأنه بصراحة نادى محترم وأستريحت فيه بس كل حاجهفى المقام الول والأخير ترجع للنادى الأهلى لأنى مضيت معاه ثالاث سنوات قبل عقد الوحده فكل حاجه بيد النادى الأهلى لمن يرغب بالتفاوض








لماذا لم نشاهدك اساسياً في المنتخب المصري؟


والله ده رأى الجهاز الفنى بعدين الفريق بيضم 23 لاعب الساسى زى الإحتياطى وهما دول خلاصة اللاعبين وده رأى الجهاز وكلنا بنكمل بعض والمثل على كده كابتن أحمد حسن كان إحتياطى ولما شوقى اتصاب كمل مكانه وشوقى كمل أحتياطى وأى فريق فى الدنيا كده الملعب بيشيل 11 لاعب بس والباقى بيكمل المنظومه والمهم البطولة قبل كل شىْ .



مارأيك في المدرب فيرسيلاين وايهما افضل هو أو المدرب خالد القروني بدون مجاملة؟


زى ما قولتلك فى الأول ماقدرش أفرق بين المدربين كل واحد وليه أسلوبه فى التدريب لو توافق معاه اللاعبين وخدمته الظروف أكيد بينجح ولو ماتوفرتش الظروف دى بيفشل فى مهمته وكل واحد أكيد له مشواره التدريبى اللى أهله أنه يدرب فى نادى الوحده وده رأيى .



هل صحيح بانك تلقيت عروض قطرية؟؟


كلها عروض شفويه وزى ماقلت قبل كده اى حاجه الموضوع فى يد النادى الأهلى .




ماهي طموحاتك؟؟اكيد السؤال هذا مكرر بس نبي نعرف من خلال المنتدى الناجح..!
وسؤال آخر ماهو رأيك في بيع اللاعبين .......في النوادي..وخاصة الاندية السعودية؟؟
ماهي ايجابياته؟؟ وسلبياته؟؟



أنى أحقق النجاح المرجو سواء فى نادى الوحده أو النادى الأهلى وهو تحقيق البطولات وصناعة تاريخ لى فى كرة القدم وطبعاً ربنا اللى بيوفق
وبالنسبة لموضوع بيع اللاعبين ده موضوع ضرورى خاصة للأندية اللى معندهاش دعم فلازم يبيع علشان يستمر ويشترى لاعبين يكملوا ويطلع ربح فى نفس الوقت يصرف بيه على النشاط وده موجود فى أوروبا والكوره أصبحت إقتصاديه وفيها ربح وخسائر فده أمر مسلم بيه لأن الأندية لو مابعتش هاتجيب منين وهتدعم الفرقة أزاى للبطولات وعلى فكرة الموضوع ده بينفع فى تطوير اداء الفرق لأنه لما بيدخل لاعب جديد على فرقة أكيد بيغير فى الأداء وبيطور فى المستوى




ماهي شروطك للتجديد...........؟


ماعنديش شروط كل حاجه بأيد مجلس إدارة النادى الأهلى زى ماقلناوطبعاً الناحية المادية تكون كويسه لأن دى اللى بتعوض الغربة عن بلدى وبعدى عن النادى الأهلى.




وشلون الكرة المصريه تواصل حضورها افريقياً وتفشل في التاهل لكاس العالم ؟


والله ده توفيق أولاً وأخيراً من عند ربنا ودايماً بنقع فى مجموعات قويه وبتحصل لينا ظروف غريبه فى تصفيات كأس العالم وربنا يوفقنا ان شاء الله .



كم عدد الأهداف التي سجلتها من تاريخ التحاقك بكرة القدم في جميع المباريات التي شاركت فيها؟؟


تقريباً 15 هدف ومنهم أهداف مؤثره زى مباراة المصرى اللى كنا فوزنا فيها 2 / صفر ومباراة بترول أسيوط اللى انتهت بهدف وربنا يكرم بس الأهم عندى انى أقوم بدورى المطلوب منى فى الملعب






مارأيك في الدوري السعودي؟


والله دورى قوى ومحترم بيميزه ان عدد الفرق القويه فيه كتير وبينهم منافسات وديربيات كتير بغض النظر عن مستوى الفرق زى الهلال والإتحاد والأهلى والنصر والوحده والإتفاق وبكده نخلق دورى قوى وده اللى حصل فى الدورى المصرى برده الفترة الأخيره بارتفاع مستوى اندية الحرس وانبى والجيش مع الأهلى والزمالك وده ظهر فى كأس الأمم وعلى العموم الدورى السعودى من أقوى الدوريات العربيه.



ما رأيك في فريق الوحدة وهل انت مرتاح معهم وماسبب ارتياحك؟


فريق قوى وده كان باين السنه اللى فاتت لكن السنه دى ماحالفوش بسبب الإصابات الكتيرة وخروج بعض اللاعبين المميزين وان شاء الله هايبقى احسن وطبعاً زى ماقلتلك الفرقة كويسه جداً واللاعبين على أعلى درجة من الإحترام وبيعاملونى كويس جداً
ومجلس الإدارة بصراحة بيعاملنى كويس جداً فالحمد لله الكل معايا كويس
والأهم من كل ده ان الواحد قاعد فى مكة أطهر بقاع الأرض وده يكفى .



يقال انك لاعب مشاكل في النادي الاهلى؟
إذا لماذا تصطدم مع مدرب الفريق لانه ابقاءك على مقاعد الاحتياط؟



لا الحمد لله مفيش مشاكل سواء مع النادى الأهلى ولا المدير الفنى وانت عارف كده مويس بحكم ان انت كنت متابع فى مصر ولو حصل خلافات بتبقى عادية جدا والفترة الأخيره قبل وجودى فى الوحده كنت عامل ماتشات مؤثرة مع الأهلى سواء كنت أساسى أو احتياطى ودى رؤية جهاز فنى مقدرش أتدخل فيها وبالنسبه للنادى الدليل لما جالى عقد محترم من نادى محترم كان فى سهولة تامه فى الموضوع ولهم جزيل الشكر .



مين هو مثلك الأعلى محلياً وعالمياً ؟


والله محلياً الكابتن علاء ميهوب وده من أحسن اللاعبين اللى اتوا فى خط النص حتى رقم الفانلة حبيتوا جداً ومن يومها وانا بلبس 14 أما أوربياً فى كتير جداً بس اللى بعتبره مثلى الأعلى هو بيرلو لاعب الميلان الإيطالى .



كابتن حسن أيه رأيك فى موضوع عصام الحضرى ؟
وهل العقوبه الموقعه عليه من مجلس إدارة الأهلى كافيه ؟



والله مقدرش أتكلم فى موضوع عصام الحضرى لأنى مش ملم بالظروف المحيطه بيه ودى حرية شخصيه منه



طيب ياكابتن إحنا كنا لسه بنقارن بين اللاعب العربى بصفة امة واللعب الأجنبى واحترامه والتزامه بالعقود.


والله عندك حق بس أنا معرفش الموضوع ظروفه ايه لأنى بعيد برده وموضع المادة 17 وانه معدى ال 28 سنه والكلام دهومش ملم قانوناً بالموضوع فمقدرش اتكلم عليه
بس على العموم لو فيه خير فهو للحضرى ولو فيه غلط فهيعود على الحضرى وكله بيتسجل فى تاريخ اللاعب وطبعاً مهما كان طريقة الخروج من النادى مش كويسه
أما العقوبه هى حق أصيل للنادى الأهلى والنادى الأهلى مش صغير بالعكس فيه أقوى مجلس إدارة على مستوى الشرق الأوسط وطبعاً عارف هو بيعمل أيه .



أيه رأيك يا كابتن فى النادى الأهلى ؟


طبعاً أكبر نادى فى أفريقيا والوطن العربى والشرق الأوسط وأقوى إدارة وبيتهيألى كده أبسط حاجه ممكن أقولها فى حق النادى الأهلى



طيب أحنا سمعنا فى موضوع الحضرى أن الأهلى ساب شوقى ومصطفى وجمعه بالعافيه وبعد تعنت شديد تقول أيه ؟


شوف النادى الأهلى بيفكر فى أولاده حتى بعد مايمشوا فعمره ما هيسيب لاعب الا بعقد محترم يشرف النادى واللاعب فى نفس الوقت وبرده لمصلحة الأثنين معاً لكن مفيش تعنت ولا كلام من ده خالص والدليل أنه تركنا فى أشد الحاجه ألينا وهو ده النادى الأهلى .


فى نهاية الحوار بنشكر الكابتن حسن مصطفى اللى رد على جميع أسئلتنا بكل صراحة ونتمنى له التوفيق سواء فى نادى الوحده أو نادية الأصلى النادى الأهلى.



شكرأ ليكم انتم واتمنى التوفيق لكم فى منتداكم .

_________________
هاتفضل حبيي مهما يطول الزمن يا حسن مصطفى

avatar
عاشق حسن مصطفى
ADMIN
ADMIN

عدد الرسائل : 3098
العمر : 29
Localisation : عاشق حسن مصطفى للأبد
تاريخ التسجيل : 22/11/2006

معاينة صفحة البيانات الشخصي للعضو http://hassanmoustafa.fr-bb.com

الرجوع الى أعلى الصفحة اذهب الى الأسفل

لللللبف رد: حوار جامد جدا مع حسن مصطفى

مُساهمة من طرف salma في الثلاثاء مارس 18, 2008 5:22 pm

mercii awy ya hoosam
and i miss hassan so much

_________________



avatar
salma
مشرفه الكرة العالميه
مشرفه الكرة العالميه

عدد الرسائل : 1970
العمر : 31
Localisation : love Islam
تاريخ التسجيل : 08/03/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

لللللبف رد: حوار جامد جدا مع حسن مصطفى

مُساهمة من طرف fabry في الجمعة مارس 21, 2008 8:34 pm

ألـــــــــــــف شكر على الحوار الرائع 0000

وبالتووووووووووفيق لحسن في كل خطوة يتخذها

fabry

عدد الرسائل : 7
العمر : 31
تاريخ التسجيل : 09/03/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

لللللبف رد: حوار جامد جدا مع حسن مصطفى

مُساهمة من طرف عاشق حسن مصطفى في الأحد مارس 23, 2008 2:04 pm

يا رب المزيد من التألق

_________________
هاتفضل حبيي مهما يطول الزمن يا حسن مصطفى

avatar
عاشق حسن مصطفى
ADMIN
ADMIN

عدد الرسائل : 3098
العمر : 29
Localisation : عاشق حسن مصطفى للأبد
تاريخ التسجيل : 22/11/2006

معاينة صفحة البيانات الشخصي للعضو http://hassanmoustafa.fr-bb.com

الرجوع الى أعلى الصفحة اذهب الى الأسفل

لللللبف رد: حوار جامد جدا مع حسن مصطفى

مُساهمة من طرف شروق عاشقة الاهلي وحسن في الثلاثاء مارس 25, 2008 10:12 am

ميرسي يا حسام علي الحوار والمتايعة الجميلة
وبالتوفيق لمكوكنا ياااااااااااارب وبتمني انه يرجع باسرع وقت لبيته وناديه الاصلي النادي الاهلي ياااااااااااااارب
avatar
شروق عاشقة الاهلي وحسن
عاشق بيموت فى حسن

عدد الرسائل : 1677
العمر : 28
Localisation : في النادي الاهلي
تاريخ التسجيل : 06/02/2007

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى